حوار مع الحديد

مصر المقتولة بحكم التاريخ

المعتوه

لما بتشهق انفاسها
في مرة من مرات اخراج الروح 
بتغير كل عقارب ساعات المسموح
بعديها بتغرق في السكرات
زي المدبوح
حتي التفسير
تنساه ووراه
بتروح
**************************
مصر المدهوسة و المدهوشة
من تحت شريط القطر
ولا عاد فيها مستقبل
 ولا عاد فيها أنفاس
بتصدق سطر
مصر اللي بتكره
كل حديد الأرض 
الله يلعن أبو كل حديدالأرض
من امتي اياك شفناك
الا في الغدر
مرة بنتولع فيك
من فوقك .. أو تحتيك ..
حتي حديدك مسروق
 يرخص لكلاب لياليك..
.نبنيك..
في جدار عازل يحميهم ..
أرخص من عشب الأرض ..
واحنا يا حديد يا جبان ..
بنشوفك في الاعلان ..
أو بتقطع اشلائنا ..
أو بتغطينا في قبر ...
 
محمد رأفت 

18-11-2012