....مش هعلق!!....
... مهما عليت...
...دندنات الموت في عمرك ...
.. مش هعلق !!! ....
....مهما زادت...
...دبدبات الروح في قلبك ....
.... مش هعلق !!!....
.... مهما بانت الآيات النور في دربك.....
... مش هعلق !!! .....
...طعم دمك مر في الأنياب ....
.... و برده مش هعلق !! ....
... لغموك بالغدر لجل يهد صبرك ...
... مش هعلق !!! ....
.... مهما بانت الحقايق......و المضايق .....
... مش هعلق .. مش هعلق ...... مش هعلق !!! ....
ّّّّّّ******************
.... تعلق ليه ؟ ....
.... همومك ايه ؟.
..في أوجاع اللي ماتوا عيال ....
...تعلق ليه ؟ ....
... في نظراتك ....
... عيونهم ضاعت استهبال ...
... عيونك تزدري المقتول ....
... و تعلي قيمة القتال ....
....و لحم العزة يتعري .....
... تقول خرجت.....
... فتستاهل ......كده اهمال .....
... و شيخ مقتول ....
... تساوي بدمه من تاهوا ...
...و من هانوا .....
... يببعوا المجمع العلمي ...
... بسلطة و مال !!! ...
... و رفضوا بطياراتهم ينقذوا التاريخ !!!!...
....من الفتنة و مالجهال !!! ....
.... كرامة .. شهيد ... مصاب !! ...
...كله كلام خسران ...
....مالوش بورصة...
...و رقم اقفال ....
... يموت واحد ...... يهان واحد ....
.. و انا مالي......و لا في البال ....
... سكوتك عار...
...و صوتك عار ...
.... كلامك عكر الميه ....
.. و سم الروح ...
... بلاش يتقال ....
*************
.... مصر فاقت .. مصر تاهت ...
.. مش هعلق ...
...مصر ولعت .. مصر قامت ...
... مش هعلق ...
...مصر فشلت .. مصر قاومت ...
.. مصر نجحت ...
... مش هعلق .. مش هعلق ...
... مش هعلق ....
********
4 - 1 - 2012
القاهرة ....
...
ليست هناك تعليقات:
إرسال تعليق