... يا للي هتكتب في الليالي السود ..
.. زمان الثورة والأسرار!!...
.. ثبتلي حبرك ..
..وقت ما عرا الزمان الزيف ...
...لحظة ما مات الجندي ..
.. عند الفجر ...
.. و اتمحت السنين النور
... من التاريخ ..
...ياللي مخطي الحبر في ظلمه ...
.. وهذيانه !!...
.. ازاي تخطي لحظة ما العبيد خانوا ؟؟!!..
.. لما استباحوا صموده ...
...جلده و ايمانه !! ...
...بالصاعق الكهربي ..
.. و الجلد و التعذيب...
...ولذتهم كخدر الكيف ...
...ياللي هتكتب في الليالي االسود ..
.. زمان الزيف ... ثبتلي حبرك ..
.. لحظة ما مات الجندي ..
.. عند الفجر ...
.. و اتمحت السنين النور من التاريخ ....
*******************
...اغضب لروحك مرة ...
... و اتعلم من الجندي ...
....صامد و ثابت....
....وقت عصف الريح ....
....خالد سعيد التاني ...
...بيكرر صمود غاندي ...
....عمره ما يتزحزح....
... هواه تباريح ....
*********************
....قتلوا محمد و اسألوا الخيمة ....
.... ودراويش الميدان ...
...واسأل عمر مكرم ...
.. لو اتكلم عن الجندي ...
....يبكيك الكلام ...
.... دقق و بص علي البطل ...
...الي ما بيهابشي ...
...أمام قصر الخروف ...
.... واقف نحيل الجسم ....
... بيخوف حروف الخوف ....
.... زارع بذور الحب بين اصحابه ..
... شايلهم و شايلينه ...
...يشهد رغيف العيش ..
... في ساعة فجر ...
... لما بيضرب الحلوف !!! ...
...وقت الادان يضربنا كلب خسيس ..
.. عورك ضميرك أعمي ما بتشوف !!!!؟؟..
....يا محمد ارحم قدمك الي دابوا ....
.. فيقولي عالاخوة استناني....
....!!!الف و اطوف ..
... ياللي كرات دمك ...
... اقوي من الخرطوش أو المولتوف ...
**********************
...قتلوا محمد و اسألوه هوه!!!! ...
.. و اياك تقولي ازاي ؟؟؟مهو جوه....
... جوا ايمانك شايفة...
...بيصدق دليل الحر ...
...والعن شيطانك مهما دلس ..
.. كدبه بقوة ....
*******************
... ابعد جرابيعك ...
...عن المشهد الدامي ...
... الجرم جرمك انت ...
...ياللي فاكرني متعامي ...
... اضحك علي كدبك ...
...ومهابيلك و مجاذيبك ...
... يا محني دقنك عورتك ..
... بالدم عراني ...
*********************
...قتلوا كرامتهم ....
... لما يوم قتلوك ...
...ضربوك و بيظنوا ...
....انهم ضربوك!!!! ....
... ياللي انت ناسخ فوق قفاالجلاد ..
... دنيا و اخرة...
... شوفلي مين يبكوك ؟؟!!! ...
******************
.... يا محمد الجندي الذي لو مات ...
... تهتزله السموات علي حسه ...
...تتسمم الأفكار في قلب الذات ....
...تتجمع الأرواح و يترصوا ....
.. لا طعم للأ فراح ولا اللذات ...
.... غير لما نصنع حلمه و نحسه ...
...موتك مهوش محتاج دليل اثبات ...
... و الأعور أعور مهما ترجه و تهزه !!..
... محناش عبيد طايعة و امعات ...
... محناش كباش برقاب بيتحزوا ...
.. الجندي يا وجعي علي اللي فات ...
.. قلب الوطن مقهور علي نفسه ....
محمد رأفت الشريف
7 - فبراير - 2013
